Xəzər Universiteti Kitabxana-İnformasiya Mərkəzi (KİM)  11 və 15 oktyabr 2025-ci il tarixlərində doktorantura tələbələri üçün “Elektron resurslardan səmərəli istifadə” mövzusunda onlayn məlumat sessiyaları təşkil edib. Tədbir Tədqiqat metodları fənninin müəllimi Lala Qəniyevanın dəstəyi ilə həyata keçirilib. Sessiyalar Kitabxana İnformasiya Mərkəzinin direktoru Aytac Misgərli və İnformasiya Xidmətləri bölməsinin müdiri Samirə Orucova tərəfindən aparılıb.

Təqdimatlar zamanı doktorantlara Xəzər Universitetinin elektron resursları, abunə olunan beynəlxalq məlumat bazaları, elektron kitablar və jurnallar, həmçinin açıq giriş platformaları haqqında ətraflı məlumat verilib. KİM nümayəndələri elmi ədəbiyyatın axtarışı, rəqəmsal elmi məlumatlardan səmərəli istifadə yollarını nümayiş etdiriblər.

Sessiyalar iştirakçıların informasiya savadlılığının artırılmasına və elmi-tədqiqat fəaliyyətlərində kitabxana resurslarından daha məqsədyönlü yararlanmalarına yardımçı olub