2025-ci il oktyabrın 15-də Xəzər Universitetinin Tarix və arxeologiya departamentinin müəllimi Dr. Odər Əlizadə Azərbaycan Milli Elmlər Akademiyasının A.A. Bakıxanov adına Tarix və Etnologiya İnstitutunun təşkil etdiyi “Azərbaycanın orta əsrlər tarixinin aktual problemləri” adlı Respublika elmi konfransında “V əsr qrabarca qaynaqların Azərbaycan tarixinin öyrənilməsində önəmi” mövzusunda məruzə edib.

Çıxış zamanı ilk olaraq V əsr qrabar (klassik erməni dili) tarixi mənbələrinin meydana gəlmə prosesi üzərində dayanılaraq, həmin dövrün müəllifləri və onların əsərləri haqqında məlumat verilib. Sonra qrabar tarixi mənbələrinin Azərbaycan coğrafiyasının erkən orta əsrlər tarixi, eləcə də Cənubi Qafqazın siyasi və mədəni inkişafı baxımından əhəmiyyəti izah olunub. Sonda isə bu mənbələrin araşdırılmasının tarixşünaslıqda tutduğu yer və onların istifadəsi zamanı üzə çıxan elmi-metodoloji problemlərdən bəhs edilib.