2025-2026-cı tədris ili üzrə 62 xarici vətəndaş “Hökumətlərarası Təqaüd Proqramları” (HTP) çərçivəsində Azərbaycan ali təhsil müəssisələrində təhsil almaq hüququ qazanıb. Bu barədə Elm və Ali Təhsil üzrə Dövlət Agentliyindən məlumat verilib.

Bildirilib ki, onlardan 23 nəfəri Çin Xalq Respublikasının, 11 nəfəri Qazaxıstan Respublikasının, 4 nəfəri Tacikistan Respublikasının, 4 nəfəri Qırğız Respublikasının, 20 nəfəri isə Somali Federativ Respublikasının vətəndaşlarıdır.

Proqram çərçivəsində əcnəbi tələbələr Azərbaycanın dövlət ali təhsil müəssisələrində və yalnız bir özəl universitetdə - Xəzər Universitetində təhsil alacaqlar.

Tədris proqramları humanitar və sosial elmlər, iqtisadiyyat və idarəetmə, təbiət elmləri və digər istiqamətləri əhatə edəcək.

Ölkə informasiya  portalları bu barədə xəbər yayımlayıb.

https://apa.az/elm-ve-tehsil/62-ecnebi-telebe-azerbaycanda-tehsil-alacaq-921314