2025-ci il oktyabrın 13-də Xəzər Universiteti Psixologiya Departamentinin əməkdaşı və Xəzər Psixoloji Xidmət Mərkəzinin psixoloqu Mirsadiq Muxtarov “Tehsil365” xəbər saytına müsahibə vermişdir. O bildirmişdir ki, pandemiya dövrü uşaqların sosial və psixoloji inkişafına mənfi təsir göstərib. Onun sözlərinə görə, pandemiya zamanı təhsil sahəsində yaranan fasilələr və onlayn tədris uşaqlarda emosional və sosial çətinliklərə səbəb olub.

“Uşaqlar uzun müddət evdə olduqları üçün məktəb mühitinə yenidən uyğunlaşmaqda çətinlik çəkirlər. Sosial bacarıqlarda geriləmə, dostluq münasibətlərinin qurulmasında və özünü ifadə etməkdə problemlər müşahidə olunur” – deyə Mirsadiq Muxtarov vurğulamışdır. Psixoloq qeyd etmişdir ki, bu adaptasiya problemləri təhsildə geriləmələrə və özünə inamsızlığa səbəb ola bilər.

Mirsadiq Muxtarov həmçinin pandemiya dövründə uşaqlarda təşviş pozuntuları, depressiya və motivasiya azalması kimi psixoloji problemlərin artdığını qeyd etmişdir. O, ailələrin və müəllimlərin əməkdaşlığının, uşaqların emosional ehtiyaclarının nəzərə alınmasının və zərurət olduqda psixoloji dəstək alınmasının vacib olduğunu vurğulamışdır.

Müsahibənin tamamı aşağıdakı linkdə:

https://tehsil365.news/az/news/42486/