2025-ci il okyabrın 7-də IPSYSO Azerbaijan (International Psychology Student Organization Azerbaijan - "Beynəlxalq Psixologiya Tələbə Təşkilatı"-nın Azərbaycan təmsilçisi) tərəfindən Xəzər Universitetinin Psixologiya departamentinin əməkdaşı, Xəzər Psixoloji Xidmət Mərkəzinin psixoloqu Mirsadiq Muxtarovun təqdimatı ilə Gənclər və İdman Nazirliyi-nin tabeliyində olan Bakı Gənclər Mərkəzində  “Erkən nikahın psixoloji və fizioloji fəsadları” mövzusunda seminar keçirildi.

Mirsadiq Muxtarov erkən nikahın fərdlərin psixoloji rifahına və fizioloji sağlamlığına təsirləri, bu problemlərin sosial nəticələri və həlli yolları haqqında iştirakçılara ətraflı məlumat verdi. Psixoloq erkən nikahların gənclərin gələcək həyatına, emosional dayanıqlığına və sosial adaptasiyasına təsir edən mühüm amillərdən biri olduğunu vurğuladı.

Tədbir iştirakçıları mövzu ilə bağlı suallarını ünvanlayaraq, interaktiv şəkildə fikir mübadiləsi apardılar.