Dillər və Ədəbiyyatlar departamentinin dosenti, Xəzər Mədəni Antropologiya və Folklor İnstitutunun (MAFİ) koordinatoru Aynur Qəzənfərqızı 2025-ci il sentyabrın 18-26-da Qazaxıstanın Aktöbə şəhərində keçirilən “Turanın Ön­gör­ücüsü, Yüzilin Bilgəsi Mönke Biy” adlı beynəlxalq simpoziumda iştirak edib.

Tədbirdə Aynur Qəzənfərqızı “Türk kültüründe şaman-ozan ilişkisi ve geleceği öngörme motifi Mönke Biy örneğinde” mövzusunda məruzə edərək, türk dünyasının bədii-folklor irsindəki ortaq xətləri, mifoloji düşüncənin müxtəlif təzahürlərini və mədəni paralelləri elmi müstəvidə nəzərə çatdırıb.

Simpoziuma bir çox ölkələrdən folklorşünaslar, ədəbiyyatşünaslar, tarixçilər və tədqiqatçılar qatılıb. Çıxışlar türk xalqlarının mədəni inteqrasiyasının elmi müstəvidə müzakirəsinə zəmin yaradıb. Aynur Qəzənfərqızının məruzəsi isə iştirakçılar tərəfindən maraqla qarşılanaraq, geniş elmi diskussiyalara səbəb olub.

Bu mötəbər toplantının məqsədi Mönke Biy`in simasında türk dünyasında ozan, aşıq və şaman baxışlarının araşdırılması və gələcək nəsillərə ötürülməsidir.

Aydan Əliyeva

Xəzər Universiteti, Filologiya (Azərbaycan dili və Ədəbiyyatı) ixtisası, II kurs