2025-ci il  oktyabrın 3-də Xəzər Universitetinin qurucusu, Direktorlar və Qəyyumlar Şurasının sədri Prof.Akad. Hamlet İsaxanlı Ankara Universiteti Yer Elmləri Tətbiq və Araşdırma Mərkəzinə (YEBİM) səfər etmişdir.

Səfərin əsas məqsədi universitetlər arasında yer elmləri sahəsində  əməkdaşlığı inkişaf etdirmək olmuşdur. Hamlet İsaxanlı YEBİM rəhbərliyi və elmi heyəti ilə geologiya, geokimya və geofizika istiqamətlərində birgə tədqiqatlar barədə müzakirələr aparmışdır.

Görüşdə Ankara Universitetini Rektor köməkçisi, Mühəndislik fakültəsinin dekanı və Geologiya mühəndisliyi bölümü professoru Dr. Yusuf Kağan Kadıoğlu təmsil etmişdir. O, yer elmləri sahəsində əməkdaşlığın strateji əhəmiyyətini qeyd etmiş və qarşılıqlı elmi layihələrin reallaşdırılmasının mümkünlüyünü vurğulamışdır.

Görüşdə, həmçinin, Xəzər Universiteti Hasvet baytarlıq təbabəti fakültəsinin dekan vəzifəsini icra edən Çiçək Əliyeva və Hasvet Medikal Anonim Şirkətinin əməkdaşları  da iştirak etmişlər.

.Bu səfər müasir multidissiplinar tədqiqatların təşviqi istiqamətində mühüm addım olmuşdur