2025-ci il  oktyabrın 1-də Bursa Uludağ Universitetində universitetin rektoru Prof. Dr. Ferudun Yılmaz və Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı tərəfindən iki universitet arasında əməkdaşlıq protokolu imzalanmışdır.

İmzalanma mərasimində Hasvet Akademiyasının üzvü Dr. Hilal Kurum, Xəzər Universiteti rektorunun müşaviri Prof. Dr. Tamer Dodurka, Xəzər Universiteti Hasvet baytarlıq təbabəti fakültəsinin dekan vəzifəsini icra edən Çiçək Əliyeva  iştirak etmişlər.

Protokol çərçivəsində tələbə və müəllim mübadiləsi, birgə elmi-tədqiqat layihələrinin həyata keçirilməsi, elmi konfransların və akademik nəşrlərin təşkili nəzərdə tutulur. Xüsusilə baytarlıq və digər elm sahələri üzrə bilik və təcrübə mübadiləsinin təşviqi planlaşdırılır.

Xəzər Universitetinin nümayəndə heyəti Bursa Uludağ Universitetinin Baytarlıq fakültəsində də olmuş, fakültənin dekanı Prof. Dr. Bayram Şenlik və fakültənin professor-müəllim heyəti ilə görüşmüş, müzakirələr aparılmışdır. Qeyd olunmuşdur ki, imzalanmış protokol hər iki ali təhsil müəssisəsi üçün yeni əməkdaşlıq imkanları yaradacaqdır.