2024-cü ilin 13-15 dekabr tarixlərində Mövlana Ədəbi-Fəlsəfi Araşdırmalar İnstitutu (MƏFAİ) və Kiprin Yaxın Şərq Universitetinin birgə əməkdaşlığı ilə keçirilmiş IX Beynəlxalq Elmi Rumi Konqresinin məruzələr toplusu çap olunmuşdur. Toplu Prof. Qədir Golkarian və Mövlana İnstitutunun elmi işçisi Dr. Fəridə Seyidovanın əməyi nəticəsində ərsəyə gəlmişdir.

 Kitabda 30 məruzəçinin ingiliscə, türkcə, Azərbaycanca və farsca məqalələri yer almışdır. Kitab Mövlana İnstitutunun qurucu müdiri, bu konqresin keçirilməsində çox böyük əməyi olmuş mərhum Prof. Nəzakət Məmmədlinin xatirəsinə ithaf olunmuş məqalə ilə başlayır, Kipr Universitetinin Yaxın Şərq Universitetində Rumi Araşdırmaları Mərkəzinin müdiri Prof. Qədir Golkarian, Xəzər Universitetinin təsisçisi, Direktorlar Və Qəyyumlar Şurasının sədri Prof.Akad. Hamlet İsaxanlı, Prof. Nəzakət Məmmədli və Yaxın Şərq Universitetinin İdarə Heyətinin Başqanı Prof. Evren Hıncal`ın açılış nitqləri ilə davam edir.  Sonra Azərbaycan, Türkiyə, Kipr, Macarıstan, Hindistan, Pakistan, Amerika və İrandan olan simpozium iştirakçılarının məruzələri dərc olunmuşdur. Toplu Kiprdə çap olunaraq, Xəzər Universitetinə çatdırılmış və buradan azərbaycanlı məruzəçilərə təqdim edilmişdir.