2025-ci il sentyabrın 30-da Mövlana Ədəbi-Fəlsəfi Araşdırmalar İnstitutunda (MƏFAİ) İraq türkmanları ilə Azərbaycan arasında müxtəlif sahələrdə – təhsil, ədəbi, siyasi və ictimai  əlaqələrin banilərindən biri, yazıçı-jurnalist Şəmsəddin Kuzəçi ilə görüş keçirilmişdir.

Görüşdə institutun Məşvərət şurasından Dos. Xatirə Yusifova, Prof. Minaxanım Təkləli, Prof. Xuraman Hümmətova, Xəzər Universitetinin Dillər və ədəbiyyatlar departamentinin müəllimi Dr.Zivər Hüseynli Baylan, Bakı Slavyan Universitetinin müəllimi Günel Həsənova iştirak etmiş, Şəmsəddin Kuzəçinin şəxsi yaradıcılığı və ümumən İraq türkmanlarının ədəbiyyatı ilə əlaqədar fikir mübadiləsi aparılmışdır. Türkman alim “Makalelerim”, “Kərkükün milli tədqiqatçısı Əta Tərzibaşı”, “Lugat-ı Türkiyye” adlı əsərlərini institutun kitabxanasına hədiyyə etmişdir.

MƏFAİ-nin tədqiqat istiqamətlərinə uyğun olaraq ortaq araşdırma mövzusu müəyyənləşdirilib qəbul edilmiş və görüşün sonunda xatirə şəkli çəkdirilmişdir