23 iyul – 6 avqust 2025-ci il tarixlərində Təbiət elmləri və mühəndislik fakültəsinin, Həyat elmləri departamentinin "Kimya və biologiya müəllimliyi” ixtisası üzrə təhsil alan 5-ci kurs tələbəsi Nərgiz İsmayıllı Çində yerləşən Westlake Universitetinin təşkil etdiyi “Frontiers in Life Science” beynəlxalq yay məktəbində iştirak etmişdir.

İki həftəlik proqram çərçivəsində tələbəmiz Stanford, San Diego, Alberta, Yale və dünyanın digər nüfuzlu universitetlərinin professorları tərəfindən keçirilən elmi seminar və mühazirələrə qatılmış,  Neuroscience və Neuroengineering” laboratoriyasında aparılan elmi təcrübələrdə iştirak etmişdir. Nərgiz həmçinin protein dizaynı, bioinformatika, sitogenetika və biokimya sahələrində də praktiki bacarıqlar əldə etmiş, Hangzhou şəhərinin Tarix və mədəniyyət, eləcədə, İpəkçilik muzeyini ziyarət etmişdir.

Tələbəmizi təbrik edir, gələcək təhsil həyatında müvəffəqiyyətlər arzu edirik