2025-ci il sentyabrın 26-da Tarix və arxeologiya departamentinin təşkilatçılığı ilə 44 günlük Vətən müharibəsində şəhidlik zirvəsinə ucalan qəhrəmanların xatirəsinə anım tədbiri keçirilib. Tədbirdə universitetin rəhbərliyi,  müəllim heyəti və tələbələr iştirak ediblər.

Vətən uğrunda canından keçən şəhidlərin xatirəsi bir dəqiqəlik sükutla yad edilib. Sonra Tarix və arxeologiya departamentinin müdiri Dos. Telman Nüsrətoğlu, İctimai əlaqələr və media üzrə direktor Əlövsət Əmirbəyli və departamentin müəllimi Dr. Odər Əlizadə, tələbələr çıxış edərək, Anım Gününün tarixi əhəmiyyətindən, şəhidlərin Azərbaycan xalqının yaddaşında əbədi yaşayacağından danışıblar. Xəzər Universitetinin tələbələri olmuş, döyüşlərdə qəhrəmancasına şəhidlik zirvəsinə ucalan Ataməli Musaoğlu və Cavid Həsənovun həyat və tələbəlik yolları barədə məlumat verilib. Onların vətənpərvərlik nümunəsi gənclər üçün örnək olaraq təqdim edilib.