2025-ci il sentyabrın 22-də Xəzər Universiteti Psixologiya Departamentinin əməkdaşı və Xəzər Psixoloji Xidmət Mərkəzinin psixoloqu Mirsadiq Muxtarov APA TV-də “Xəbəraparan” televiziya proqramında çıxış etmişdir. Verilişdə “Asılılıq” mövzusu müzakirə olunaraq təkcə maddə asılılığı yox, davranış asılılığı kimi mövzuları da əhatə etmişdir. Proqramın məqsədi maddə asılılığının zərərlərinin vurğulanması, psixoprofilaktik olaraq əhalinin maarifləndirilməsi idi. 

Çıxış zamanı Mirsadiq Muxtarov davranış və maddə asılılığı anlayışlarına toxunaraq, bu problemin şəxsin bioloji, psixoloji və sosial faktorlarına təsirini izah etmişdir. O, çıxışı zamanı bildirmişdir ki, asılılıq yalnız zərərli maddələrdən istifadə ilə məhdudlaşmır. İnsanların texnologiya, qumar, sosial şəbəkələr, münasibətlər və hətta gündəlik vərdişlərdən asılı hala düşməsi də geniş yayılmış psixoloji problemlər sırasındadır.. Bu səbəbdən maarifləndirmə, erkən müdaxilə, peşəkar psixoloji dəstək və ailələrin dəstəyi mühüm rol oynayır.

Çıxış aşağıdakı linkdə:

https://www.youtube.com/live/uHDR70BDpNU