2025-ci il sentyabrın 11-də Xəzər Universitetində İzmir Bakırçay Universitetinin əməkdaşları ilə görüş keçirildi.

Görüşdə İzmir Bakırçay Universitetinin Rektoru Prof. Dr. Mustafa Berktaş, prorektor Prof. Dr. Görkem Yaman, Magistratura üzrə tədqiqatlar institutunun prorektoru Dos. Dr. Tarkan Akderya, Beynəlxalq əlaqələr və mübadilə proqramlarının koordinasiya ofisinin əməkdaşı Ayşe Nur Ekinci, Xəzər Universitetinin Tədris işləri üzrə prorektoru Prof. Məhəmməd Nuriyev, Təbiət elmləri və Mmühəndislik fakültəsinin dekanı Dr. Fəxrəndə Əfəndiyeva, İqtisadiyyat və menecment fakültəsinin dekan müavini Dr. Məhəmməd Çərkəsov, Hasvet baytarlıq təbabəti fakültəsinin dekan vəzifəsini icra edən Çiçək Əliyeva və Beynəlxalq əlaqələr şöbəsinin əməkdaşları iştirak etmişdir.

Görüş zamanı Beynəlxalq Əlaqələr Şöbəsinin əməkdaşı tərəfindən Xəzər Universiteti barədə təqdimat nümayiş etdirilmişdir. Görüşün əsas müzakirə mövzusu hər iki universitet arasında akademik əməkdaşlıq və əlaqələrin inkişafı olmuşdur.

Sonda tərəflər hədiyyə təqdim etmişlər və xatirə fotosu çəkilmişdir.