2025-ci il sentyabrın 4-də Xəzər Universitetində Çin Sosial Elmlər Akademiyasının Rusiya, Şərqi Avropa və Mərkəzi Asiya İnstitutunun əməkdaşları ilə görüş keçirildi.

Görüşdə institutun direktor müavini professor Çzin Çje, Mərkəzi Asiya və Qafqaz tədqiqatları şöbəsinin müdiri Zhang Ning, elmi əməkdaşlar Jiang Jing, Lyu Çang və Sun Danmen, Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı, universitetin rektoru Dr. Raziyə İsaeva, Tədris işləri üzrə prorektor Prof. Məhəmməd Nuriyev, İqtisadiyyat və biznes yüksək təhsil fakültəsinin dekanı Dr. İnqilab Əhmədov, Humanitar, təhsil və sosial elmlər fakültəsinin dekanı Dr. Milana Abbasova, İqtisadiyyat və menecment fakültəsinin dekan müavini Dr. Məhəmməd Çərkəsov, Siyasi elmlər və fəlsəfə departamentinin müdiri Dr. Orxan Vəliyev, Hasvet baytarlıq təbabəti fakültəsinin dekan vəzifəsini icra edən Çiçək Əliyeva, Keyfiyyətin Təminatı Mərkəzinin direktoru Lyudmila Sotova və Beynəlxalq əlaqələr şöbəsinin əməkdaşları iştirak etmişdir.

Görüş zamanı Lyudmila Sotova tərəfindən Xəzər Universiteti barədə təqdimat nümayiş etdirilmişdir. Görüşün müzakirə mövzusu qarşılıqlı əlaqələrin inkişaf etdirilməsi olmuşdur.

Görüşün sonunda tərəflər hədiyyə təqdim etmişlər və xatirə fotosu çəkilmişdir.