2 senytabr 2025-ci il sentyabrın 2-də Xəzər Universiteti Elmi Şurasının növbəti iclası keçiridi.

İclası Xəzər Universitetin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı açaraq, gündəlikdəki məsələni şura üzvlərinin nəzərinə çatdırdı.

Elmi Şuranın məsələsi olan 2025-2026-cı tədris ili üzrə yerli və əcnəbi tələbələrin qəbulu barədə fakültə dekanları və Beynəlxalq əlaqələr şöbəsinin müdiri ətraflı məlumat verdilər. Hər bir fakültə üzrə yeni açılmış ixtisaslar və ixtisaslaşmalar, cari akademik il üçün təsdiqlənmiş plan yerləri və real qəbul statistikası, həmçinin departamentlər üzrə akademik yük və qrup sayları nəzərə çatdırıldı.  Təqdim olunan məlumatlar Elmi Şura üzvləri tərəfindən müzakirə edilərək, müəyyən təkliflər irəli sürüldü.

Sonra Prof.Akad. Hamlet İsaxanlı universitet üçün çox mühün bir vəzifə təyinatı ilə bağlı məlumat verdi. O qeyd etdi ki, İqtisadiyyat və menecment fakültəsinin dekanı Raziyə İsayeva Direktorlar və Qəyyumlar Şurasının qərarına əsasən cari tarixdən Xəzər Universitetinin  rektoru vəzifəsinə təyin olunur.

Sonda Prof.Akad. Hamlet İsaxanlı iclasın işini yekunlaşdıraraq, yeni  dərs ilində kollektivə uğurlar arzuladı.