2025-ci il iyulun 4-də Bakı Dövlət Universitetinin Qazax filialında “Azərbaycanda qədim daş dövrünün öyrənilməsi problemləri - əldə olunmuş nəticələr və qarşıda duran vəzifələr" mövzusuna həsr olunmuş elmi seminar keçirilib.

Seminarda AMEA Arxeologiya və Antropologiya İnstitutunun aparıcı elmi işçisi, Xəzər Universitetinin Tarix və arxeologiya departamentinin müəllimi Dr. Yaqub Məmmədov “Qarabağ və qərb bölgəsində son illərdə daş dövrü üzrə aparılmış elmi tədqiqatların nəticələri" mövzusunda məruzə edib.

Seminarda "Keşikçidağ" Dövlət Tarix-Mədəniyyət Qoruğunun direktoru Musa Mursaquliyev qoruq ərazisində yeni aşkar edilmiş abidələrin tədqiqi, "Avey" Dövlət Tarix-Mədəniyyət Qoruğunun direktoru Səadət Əliyeva Damcılı mağarasında aparılmış beynəlxalq tədqiqatlar haqqında danışıblar.

Sonda tələbələri və müəllimləri maraqlandıran suallar cavablandırılıb.