2025-ci il iyulun 2-də Laçın şəhərində İqtisadi Əməkdaşlıq Təşkilatı (ECO) Həftəsi çərçivəsində ilk dəfə olaraq ECO-nun Qadınlar Forumu təşkil edilib. Forumun əsas məqsədi qadınların bütün sahələrdə imkanlarının artırılması üçün ECO ölkələrində sektorlararası əməkdaşlığı təşviq etmək olub.

Tədbirdə Ailə, Qadın və Uşaq Problemləri üzrə Dövlət Komitəsinin sədri Bahar Muradova, ECO-nun Baş katibinin müavini Silapberdi Nurberdiyev, BMT Baş katibinin müavini, təşkilatın Dayanıqlı İnkişaf Qrupunun sədri Amina Mohammed, BMT-nin Baş katibinin müavini, təşkilatın Asiya və Sakit Okean üzrə İqtisadi və Sosial Komissiyasının İcraçı katibi Armida Salsiah Alisjahbana və digərləri çıxış ediblər.

Sonra "Hənifə Məlikova - Zərdabi qızların təhsili təqaüd proqramı" adlı film nümayiş olunub.

Açılış gününün sonunda Azərbaycan incəsənət ustalarının konsertində Xəzər Universitetinin Musiqi və incəsənət departamentinin müdiri, əməkdar müəllim, tanınmış pianoçu Zülfiyyə Sadıqova solo proqramla çıxış etmişdir.