2025-ci il iyunun 23-də Xəzər Universitetində Erasmus Tələbə Şəbəkəsinin (ETŞ - Erasmus Student Network -ESN) Beynəlxalq İdarə Heyəti ilə görüş keçirilib.

Görüşdə Xəzər Universitetinin Beynəlxalq əlaqələr şöbəsinin əməkdaşları Seyran Əliyeva və Jalə Məmmədova, “Erasmus Tələbə Şəbəkəsi (ETŞ) – Azərbaycan” İctimai Birliyinin Milli idarə heyətinin üzvü Fəridə Vəliyeva, ESN Beynəlxalq idarə heyətinin üzvü və İdarəetmə məsələləri üzrə vitse-prezident Kaja Kaczkiello, Cənub-Şərqi Avropa (SEEP) regionu üzrə Üzvlük komitəsinin rəhbəri Leonor Alcaçarenho, ESN Xəzər Təşəbbüskar qrupunun prezidenti Alisa Nazirzadə və Tədbirlərin təşkili üzrə koordinator Kənan Ağazadə iştirak ediblər.

Görüşdə Xəzər Universiteti ilə Erasmus Tələbə Şəbəkəsi arasında gələcək əməkdaşlıq imkanları, ESN Xəzərin fəaliyyəti, həyata keçirilən layihələr və gələcək planların müzakirə olunub.

Görüşün sonunda hədiyyələr təqdim edilib, kampus turu təşkil olunub və xatirə şəkilləri çəkilib.