2025-ci il iyunun 23-27-də Xəzər Universiteti Memarlıq və dizayn departamentinin müdiri Dos. Şəhla Abbasova Erasmus+ proqramı çərçivəsində Qazi Universitetinə (Türkiyə) işgüzar səfər etmişdir.

Səfər zamanı Dos. Şəhla Abbasova Qazi Universitetinin Memarlıq fakültəsinin Memarlıq bölməsinin əməkdaşları Prof. Dr. Pınar Dinç Kalaycı, Doç. Dr. Ammar İbrahimgil, Doç. Prof. Dr. A. Yağmur Topraklı və Dekan yardımcısı  Prof. Dr. Zeynep Aslı Gürel ilə görüşmüşdür. Görüşlərdə Xəzər Universitetinin Memarlıq və dizayn departamentinin fəaliyyəti və müvafiq ixtisasları barədə ətraflı məlumat verilmiş, həmçinin Xəzər Universiteti adından Qazi Universitetinin Memarlıq fakultəsinə - Dekan yardımcısı  . Zeynep Aslı Gürele hədiyyə təqdim etmişdir.

İşgüzar səfər çərçivəsində Şəhla Abbasova Pınar Dinç Kalaycı ilə birgə Memarlıq fakültəsinin tələbələrinin praktik tapşırıq və layihələrini nəzərdən keçirmiş, həmçinin Qazi Universitetinin kampuslarına ekskursiyada iştirak etmişdir.

İyunun 23-də Pınar Dinç Kalaycının rəhbərliyi ilə memarlıq bölümünün müəllimləri və magistratura tələbələri üçün Şəhla Abbasovanın təqdimatında seminar təşkil olunmuşdur. Seminarda Şəhla Abbasova “Tələbə əli, yaradıcılıq gücü” mövzusunda tədris və layihə yönümlü məruzə ilə çıxış etmiş, mövzu ilə bağlı müəllim və tələbələrin suallarını cavablandırmışdır. Seminarın əsas məqsədi Xəzər Universitetinin Memarlıq və dizayn departamentində “Memarlıq”, “Dizayn” və  “Təsviri incəsənət müəllimliyi” ixtisaslarında tədris zamanı praktik tapşırıqlar və tələbələrlə birgə həyata keçirilən layihələr barədə geniş məlumat vermək olmuşdur.

Səfərin sonunda  Şəhla Abbasovaya Xəzər Universitetini təmsil etdiyi üçün sertifikat təqdim edilmişdir.