Xəzər Universiteti Mədəni Antropologiya və Folklor İnstitutunun (MAFİ) koordinatoru, Dos.  Aynur Qəzənfərqızı, beynəlxalq səviyyədə fəaliyyət göstərən Türk Birlikləri Təşkilatı Federasiyasının idarə heyətinə üzv seçilib.

Dos. Aynur Qəzənfərqızı federasiyada Genəl başqanın Xalqla Əlaqələr Qurumu üzrə məsul yardımçısı vəzifəsini icra edəcək. Bu vəzifədə o, türk dünyası ölkələri arasında əlaqələrin inkişaf etdirilməsi sahəsində fəaliyyət göstərəcək.

Türk Birlikləri Təşkilatı Federasiyası müxtəlif sahələri əhatə edən mütəxəssislərin bir araya gəldiyi beynəlxalq qurumdur. Federasiyanın məqsədi türk xalqları arasında elmi, iqtisadi, hüquqi və ictimai əməkdaşlığın inkişaf etdirilməsi, ortaq dəyərlərin qorunması və gələcək nəsillərə ötürülməsidir.

Bu təyinat Dos. Aynur Qəzənfərqızının elmi və ictimai fəaliyyətinə verilən  dəyərin göstəricisidir.

Nigar Ələsgərli

Xəzər Universiteti,  Azərbaycan dili və ədəbiyyatı müəllimliyi ixtisası,1-ci kurs