2025-ci il iyunun 23-də Xəzər Universitetində Türkiyənin Konya Texniki Universitetinin nümayəndə heyəti ilə görüş keçirilib.

Görüşdə Konya Texniki Universitetinin rektoru Osman Nuri Çelik, baş katib Kamil Gök, Xəzər Universitetinin rektor vəzifəsini icra edən Prof. Məhəmməd Nuriyev, Təbiət elmləri, sənət və texnologiya üzrə yüksək təhsil fakültəsinin dekanı Dr. Günel Bahəddinova, İqtisadiyyat və menecment fakültəsinin dekanı Dr. Raziyə İsayeva, Təbiət elmləri və mühəndislik  fakültəsinin dekanı Dr. Fəxrəndə Əfəndiyeva və Beynəlxalq əlaqələr şöbəsinin koordinatoru Seyran Əliyeva iştirak ediblər.

Görüş zamanı ikitərəfli əlaqələrin inkişaf etdirilməsi, birgə layihələrin hazırlanması, həmçinin tələbə-müəllim mübadiləsi kimi məsələlər istiqamətində müzakirələr aparılıb və görüşün sonunda Anlaşma Memorandumu imzalanıb.

Sonda tərəflər bir-birinə hədiyyələr təqdim edib və xatirə şəkilləri çəkdiriblər.