2025-ci il iyunun 18-də Dillər və ədəbiyyatlar departamentinin "Azərbaycan ədəbiyyatı" ixtisası üzrə magistrantı Rəqsanə Süleymanovanın "Tənqidi metodologiyada üçlü yanaşma: professional tənqid, yazıçı və oxucu tənqidi (çağdaş Azərbaycan nəsri texnologiyası əsasında)" mövzusunda işlədiyi dissertasiyanın müdafiəsi keçirilmişdir.

AMEA N.Gəncəvi adına Ədəbiyyat İnstitutu icraçı direktoru, Dos. Mehman Həsənlinin sədrliyi ilə keçirilən müdafiədə iddiaçını dinlədikdən sonra tədqiqat işinin elmi rəhbəri  – AMEA N. Gəncəvi adına Ədəbiyyat İnstitutunun Azərbaycan-Asiya ədəbi əlaqələri şöbəsinin müdiri, filologiya üzrə elmlər doktoru, Prof. Bədirxan Əhmədov və  Xəzər Universiteti “Dünya” məktəbinin kitabxana müdiri, rəyçi – filologiya üzrə fəlsəfə doktoru Mədinə Karahan çıxış etmişdir.

Müdafiə şurasının üzvləri Dos. Dilbər Zeynalova, Dos. Xatirə Yusifova, Dos. Ülvi Babasoy, Dr. Gülşanə Xudiyeva  dünya və Azərbaycan ədəbiyyatşünaslığında ədəbi tənqid metodologiyasındakı son dövrlərin aktual problemlərindən olan peşəkar tənqid, yazıçı və oxucu tənqidinin sərhədləri ətrafında fikir mübadiləsi aparmışlar. Magistrantın elmi işi müsbət qiymətləndirilmişdir.