2025-ci il 16-19 iyunun 16-19-da İstanbul şəhərində Konqres Mərkəzində  “Times Higher Education” reytinq agentliyi tərəfindən təşkil edilən “Qlobal Dayanıqlı İnkişaf Konqresi”ndə Xəzər Universiteti Keyfiyyətin Təminatı Mərkəzinin direktoru Lyudmila Sotova və Beynəlxalq əlaqələr şöbəsinin müdiri Fatimə Vəliyeva ilə təmsil olunub.

Konqresdə Azərbaycan Respublikası Elm və Təhsil Nazirliyi və Elm və Ali Təhsil üzrə Dövlət Agentliyinin rəhbərliyi ilə ölkənin 12 aparıcı ali təhsil müəssisəsindən ibarət 50 nəfərə yaxın nümayəndə heyəti iştirak edib.

Tədbirin proqramına panel və məlumat sessiyaları, eləcə də sərgi daxil idi. Sərgidə əməkdaşlar tərəfindən Xəzər Universitetinin fəaliyyəti, tədqiqat istiqamətləri, reytinqlər və əcnəbi tələbələrin qəbul prosesi, təqaüd imkanları haqqında məlumat verilib.. Bununla yanaşı, Xəzər Universitetinin əməkdaşları digər universitetlərin stendlərində olaraq, yeni əməkdaşlıqlar üçün danışıqlar aparıblar.