2025-ci il iyunun 12-də Xəzər Universitetində Çinin Dalian Universitetinin nümayəndə heyəti ilə görüş keçirilib. Görüş Dalian Universitetinin Çin Araşdırmaları Mərkəzinin direktoru Prof. Guo Shuhong, İqtisadiyyat kafedrasının müdir müavini Dos. Chen Zhen və Dalian Texnologiya Universitetinin Marksizm İnstitutunun professoru Diao Xiuhua, Xəzər Universitetinin rektor vəzifəsini icra edən Prof. Məhəmməd Nuriyev, fakültə dekanları və Beynəlxalq əlaqələr şöbəsinin əməkdaşlarının iştirakı ilə keçib.

Görüş zamanı Beynəlxalq laqələr şöbəsinin koordinatoru Seyran Əliyeva tərəfindən Xəzər Universiteti barədə, Prof. Guo Shuhong və Dos. Chen Zhen tərəfindən isə Dalian Universiteti barədə təqdimatlar nümayiş etdirilib.

Görüş çərçivəsində hər iki təhsil müəssisəsi arasında akademik əməkdaşlıq və əlaqələrin gücləndirilməsi müzakirə olunmuş, növbəti addımlarla bağlı fikir mübadiləsi aparılmışdır.

Sonda hədiyyələr təqdim olunub və xatirə şəkilləri çəkilib.