2025-ci il iyunun 11-də Bakı Dövlət Universitetində (BDU) “Rəqəmsal əsrdə universitet kitabxanaları: beynəlxalq resurslar və repozitoriyalar” mövzusunda seminar keçirilmişdir. Tədbir BDU-nun Elmi Kitabxanasının metodik fəaliyyəti və Azərbaycan Kitabxana İnformasiya Konsorsiumunun (Az.KİK) illik hesabatına həsr olunmuşdur.

Seminarda Xəzər Universiteti Kitabxana İnformasiya Mərkəzinin (KİM) direktor müavini Aytac Misgərli də məruzə ilə çıxış etmişdir. O, Xəzər Universiteti Kitabxana İnformasiya Mərkəzinin keçdiyi inkişaf yolu, elektron resursların tətbiqi, beynəlxalq əməkdaşlıq layihələri və xüsusilə də ali təhsil müəssisələrəində  tədqiqat potensialının gücləndirilməsi məqsədi daşıyan institusional repozitoriyaların yaradılmasına yönəlmiş layihə çərçivəsində əldə olunmuş təcrübələr barədə geniş məlumat vermişdir.

Respublika ali məktəb kitabxanalarının metodiki mərkəzi funksiyasını yerinə yetirən və eyni zamanda Az.KİK-ə rəhbərlik edən BDU Elmi Kitabxanasının təşəbbüsü ilə hər il təşkil olunan  belə seminarda respublikanın müxtəlif regionlarında yerləşən ali təhsil müəssisələrinin və dövlət qurumlarının kitabxana rəhbərləri,   mütəxəssislər iştirak edirlər.