Xəzər Universiteti Dillər və ədəbiyyatlar departamentinin Dillər bölməsinin koordinatoru Dr. Sevinc Qəmbərovanın"İnşa yazılarının təşkili və xüsusiyyətləri” adlı məqaləsi da Azərbaycan Respublikası Elm və Təhsil Nazirliyinin "Azərbaycan dili və ədəbiyyat tədrisi" elmi-metodik jurnalında dərc edilmişdir (2025, cild 71, say 2), Jurnal AAK-ın tövsiyə etdiyi elmi nəşrlər sırasına daxildir. Həmçinin ERİH PLUS, İndex Copernicus, MIAR, ROAD və s. (20-dən çox) beynəlxalq elmi bazada indekslənir.

Məqalədə göstərilmişdir ki, ibtidai siniflərdən başlayaraq müxtəlif yazı növlərindən - inşa yazılarından istifadə şagirdlərin tənqidi və yaradıcı təfəkkürünün inkişafında mühüm rol oynayır. İnşa yazılarının müxtəlif növləri üçün mövzuların seçilməsi, planın tərtib edilməsi və bütün bunlara hazırlıq prosesinin düzgün şəkildə təşkil edilməsi çox önəmlidir. İnşa yazılarına ənəvi təlimdə müraciət olunurdu. Fəal təlimdə isə inşa yazıları ilə yanaşı, esse yazı növlərinə də müraciət edilir. Müəllif hesab edir ki, bu yazı növlərinin hər ikisi eyni mahiyyətə malikdir. Bu səbəbdən tədrisdə birinin saxlanılması daha məqsədəuyğun olardı.

İnşa yazılarının təşkili və xüsusiyyətləri

https://tall.edu.az/az/articles/206/insa-yazilarinin-teskili-ve-x-uuml-susiyyetleri.html