Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı 2025-ci il iyunun 4-də Azərbaycan Elm və Təhsil Nazirliyi Riyaziyyat və Mexanika İnstitutunun seminarında “Araşdırma Unversiteti və Sənaye: Tarix və Bugün; Dünyanı dəyişdirən Zəka və Süni İntellekt” mövzusunda geniş çıxış etmiş, fikirlərini bölüşmüşdür.

Tədbirdə Riyaziyyat və Mexanika İnstitutunun direktoru, AMEA-nın müxbir üzvü, Prof. Misir Mərdanov və institutun əməkdaşları iştirak etmişdir.

Prof.Akad. Hamlet İsaxanlının Araşdırma Universitetlərinin və Sənayenin Tarixi və bu günü haqqında, və əsasən də son zamanlar dünyanı dəyişən zəka və süni intellekt haqqındakı ətraflı çıxışı iştirakçılar tərəfindən maraqla qarşılanıb, mövzunun davamı üçün gələcək seminarlarda yenə də çıxış etmək təklif olunub. Prof.Akad. Hamlet İsaxanlı da öz növbəsində institutun əməkdaşlarını Xəzər Universitetində “Süni İntellekt” mövzusunda keçiriləcək seminarlara dəvət edib.