Xəzər Universitetinin Həyat elmləri departamentinin əməkdaşları  - departament müdiri Dr. Cəmalə Eldarova və departamentin dosenti Dr. Cavid Ocaqinin “Allelic diversity of Azerbaijani bread wheat (Triticum aestivum L.) by SSR markers” adlı məqaləsi “Turkish Journal of Agriculture and Forestry” jurnalında  dərc olunmuşdur (cild 49 (2025), sayı 2). Qeyd edək ki, “Turkish Journal of Agriculture and Forestry ” jurnalı “Web of Science” və “Scopus” verilənlər bazalarında indekslənib.

Cari tədqiqat işində 6 fərqli növ müxtəlifliyinə aid 50 Azərbaycan mənşəli buğda nümunəsində genetik müxtəliflik SSR (simple sequence repeat) markerləri vasitəsilə tədqiq edilmişdir. İstifadə olunan 7 SSR praymeri əsasında ümumilikdə 42 müxtəlif allel aşkarlanmış, hər lokus üzrə orta hesabla 6 allel müəyyən olunmuşdur. Polimorfizm informasiya həcmi (PIC) 0.428 ilə 0.772 arasında dəyişmiş və bu, Azərbaycan mənşəli buğda nümunələrində zəngin genetik müxtəlifliyin mövcudluğunu göstərmişdir.

Link: https://journals.tubitak.gov.tr/cgi/viewcontent.cgi?article=3273&context=agriculture