2025-ci il  mayın 26-da Dillər və ədəbiyyatlar departamentinin Dillər bölməsinin koordinatoru Dr. Sevinc Qəmbərova Azərbaycan Dövlət Pedaqoji Universitetində “Azərbaycan dilçiliyi XXI yüzillikdə: reallıqlar, perspektivlər” adlı respublika elmi-praktik konfransında iştirak etmişdir. Dr.Sevinc Qəmbərova konfransın “Tarixi-müqayisəli dilçilikdə müasir yanaşmalar” bölməsində “Azərbaycan dili şivələrinin müqayisəli tədqiqi” mövzusunda məruzə etmiş, ona ünvanlanan sualları cavablandırmışdır.

Məruzəçi qeyd etmişdir ki, Azərbaycan dili şivələri XX əsrin əvvəllərindən başlayaraq monoqrafik yol ilə kifayət qədər araşdırılmışdır. Türklər üçün ortaq ünsiyyət dilinin, terminologiyanın formalaşması prosesində bu kimi araşdırmaların aparılması aktuallıq kəsb etməkdədir. Çıxışda Azərbaycan dili şivələrinin digər türk dilləri və onların dialektləri ilə müqayisəsinə həsr edilmiş tədqiqat işləri barədə məlumat verilərək, onların əhəmiyyətindən bəhs olunmuşdur.

Proqram ADPU