2025-ci il mayın 23-də Xəzər Universitetinin Baytarlıq departamentinin koordinatoru Çiçək Əliyeva və Təbiət elmləri və mühəndislik fakültəsinin  əməkdaşı İdrak Əliyevin rəhbərliyi ilə fakültənin Baytarlıq təbabəti ixtisası üzrə təhsil alan tələbələri üçün  Azərbaycan Dövlət Aqrar Universitetinin (ADAU) Baytarlıq təbabəti fakültəsinin maddi-texniki bazası ilə tanışlıq məqsədilə ekskursiya təşkil edilmişdir.

 ADAU Baytarlıq təbabəti fakültəsinin dekanı Şəlalə Zeynalova və fakültə müəllimi Telman İsgəndərov tərəfindən tələbələrə fakültənin inkişaf tarixi, maddi-texniki bazasıvə tədrisinə dair geniş məlumat verilmişdir. Qeyd edilmişdir ki, Baytarlıq təbabəti fakültəsi ölkədə ilk ali təhsilli baytar həkimləri hazırlayan baza olmaqla yanaşı, həm də baytarlıq elmi-tədqiqat işləri ilə məşğul olan əsas mərkəzdir. Fəaliyyəti dövründə fakültə ölkənin aqrar səhəsi üçün minlərlə yüksək ixtisaslı baytar mütəxəssisləri hazırlamışdır ki, onlar arasında tanınmış elm xadimləri, əmək qəhrəmanları, ictimai xadimlər, Dövlər mükafatı laureatları, dövlət strukturlarında yüksək rəhbər vəzifələrdə çalışmış şəxslər olmuşdur.

Ekskursiya zamanı tələbələri maraqlandıran suallar cavablandırılmışdır.