2025-ci il mayın 23-də Xəzər Universiteti ilə Respublika Süni Mayalanma Mərkəzi (Göygöl rayonu) arasında əməkdaşlıq memorandumu imzalanmışdır. Bu anlaşmanın əsas məqsədi Baytarlıq təbabəti ixtisası üzrə tələbə hazırlıq səviyyəsinin yüksəldilməsi, birgə elmi-tədqiqat işlərinin aparılması və kadr mübadiləsinin həyata keçirilməsidir.

Azərbaycanda ərzaq təhlükəsizliyinin təmin olunması istiqamətində görülən tədbirlər çərçivəsində ölkədə heyvan mənşəli məhsulların istehsalını artırmaq, mal-qaranın cins tərkibini yaxşılaşdırmaq, süni mayalanma tədbirlərinin həyata keçirilməsini sürətləndirmək baxımından bu mərkəzin müstəsna rolu vardır.

Memorandum imzalanması çərçivəsində departament koordinatoru Çiçək Əliyeva, Təbiət elmləri və mühəndislik fakültəsinin əməkdaşı İdrak Əliyev və fənn müəllimi Ramin Abbasovun rəhbərliyi ilə Baytarlıq təbabəti ixtisası üzrə təhsil alan tələbələr üçün  Mərkəzin iş fəaliyyəti ilə bağlı info-tur təşkil edilmişdir.