2025-ci il  mayın 23-də Xəzər Universiteti Dillər və ədəbiyyatlar departamentinin Dillər bölməsinin koordinatoru Dr. Sevinc Qəmbərova Azərbaycan Respublikası Elm və Təhsil Nazirliyi və Gəncə Dövlət Universitetinin birgə keçirdikləri “Təbiət və sosial elmlər sahəsində qlobal çağırışlar” beynəlxalq elmi konfransında onlayn olaraq iştirak etmişdir. Dr. Sevinc Qəmbərova konfransın “Təhsil” bölməsində “Müasir müəllim modeli” mövzusunda məruzə etmiş, ona ünvanlanan sualları cavablandırmışdır.

Məruzəçi qeyd etmişdir ki, müasir dünyada bütün sahələr üzrə müşahidə edilən yeniliklər, dəyişikliklər və inkişaf bir çox anlayışlar ilə yanaşı, klassik peşə və ixtisaslarda da müşahidə edilməkdədir. Müasir dövrdə müəllimlik peşəsində çalışan mütəxəssislər klassik hazırlıqlı müəllimlərdən fərqli olaraq, bir çox yeni bacarıqlara yiyələnməli, digərlərini isə təkmilləşdirməlidirlər. Bu zaman rəqabətə dayanıqlı kadr olaraq fəaliyyət göstərib, gənc nəslin hərtərəfli inkişafı üçün öz töhfələrini verə bilərlər. Bunun üçün müəllimdən daima öz üzərində işləyərək intellektini cilalamaq, mütəmadi mütaliə etmək, texnoloji bilik və bacarıqlara yiyələnmək gözlənilir.

Proqram 2025