2025-ci il mayın 15-də Xəzər Universitetində ənənəvi “Spaghetti Bridge 2025” tələbə yaradıcılıq və texniki müsabiqəsi keçirildi. Tədbirin əsas məqsədi tələbələrin mühəndislik biliklərini, analitik düşüncə və yaradıcı imkanlarını üzə çıxarmaq, həmçinin komanda şəklində işləmək bacarıqlarını inkişaf etdirmək idi.

Yarışma çərçivəsində iştirakçı komandalar yalnız spagetti və yapışqan materiallardan istifadə etməklə daşıyıcı körpü modelləri hazırladılar və bu modellər xüsusi test mexanizmləri ilə sınaqdan keçirildi.

Tədbirdə SOCAR Downstream şirkətinin əməkdaşları qonaq və münsif qismində iştirak etdilər. Eyni zamanda., 2024-cü ilin qalibi olan “Propaqanda” komandası (Elnur Qəniyev, Fəridə Qocayeva, Tariyel Ələkbərov) ötənilki təcrübələrini iştirakçılarla bölüşərək, gənc mühəndislərə faydalı məsləhətlər verdilər.

Münsiflər heyəti – Elvin Aslanov  (SOCAR Downstream Management Şirkətinin mütəxəssisi),  Yusif Sadiqov (Xəzər Universitetinin Təbiət elmləri və mühəndislik fakültəsinin müəllimi) və Vəfa Aslanova  (Xəzər Universitetinin Təbiət elmləri və mühəndislik fakültəsinin dekan müavini) tərəfindən qiymətləndirmə meyarları kimi körpülərin daşıya bildiyi maksimal yük, konstruktiv sabitlik, estetik görünüş və təqdimat bacarığı əsas götürüldü.

Münsiflər heyətinin qərarına əsasən I yer  “Fettuccine” (Əminə Əliyeva, Səriyə İsmayılova, Ayan Həsənzadə, Leyla Yusifova), II yer  “Civil Squad” (Jalə Əsgərova, Səriyyə Abışova, İlhamə Salmanova, Firidun Paşalı) və III yer “Bridghetti” İlayda Murtazayeva, Nigar Kazımzadə, Baba Aslanov, Binnət Binnətov, Elmir Nəbiyev) komandalarına verildi.

Yarışmanın qaliblərinə pul mukafatı, sertifikat  və SOCAR Downstream Şirkəti tərəfindən  hədiyyələr, digər iştirakçılara isə təşəkkürnamələr təqdim olundu.

Tədbirin sonunda yarışmanın təşkilində fəal iştirak edən şəxslər –  baş koordinator Elnur Qəniyev və koordinatorlar Toğrul Abdullazadə, İlayda Murtazayeva və Elvin Cumayev təşəkkür sertifikatları ilə mükafatlandırıldılar.