Xəzər Universitetinin Tarix və coğrafiya  ixtisası üzrə 2016-cı il bakalavr məzunu, hal-hazırda Koreya Universitetinin doktorantı, Koreya Dövlət Təqaüdçüsü Günay Kərimovanın “Cellular and individual toxicity of diflubenzuron for the chronic exposure in Daphnia magna: focus on oxidative stress, chitin content, and reproductive outcomes” (“Oksidativ stress, xitin tərkibi və reproduktiv nəticə üzrə fokuslanmaqla diflubenzuronun hüceyrə və fərdi toksikliyinə Daphnia magna-da xroniki təsirlənmə”) adlı məqləsi “Ecotoxicology” jurnalında dərc olunmuşdur (2025, Cild 34, sayı 4). Xəzər Universitetinin Coğrafiya və ətraf mühit departamentinin müəllimi Rövşən Abbasov həmin məqalənin həmmüəllifidir.

Məqalədə ətraf mühitlə əlaqəli konsentrasiyalarda su ekosistemlərində əsas su orqanizmi olan su birəsinə (Daphnia magna) qarşı diflubenzuron (DFB) kimi həşərat böyümə tənzimləyicilərinin zərərli təsirləri araşdırılmışdır.

Qeyd edək ki, məqalənin dərc olunduğu “Ecotoxicology” jurnalı “Scopus”, “Web of Science (Science Citation Index Expanded - SCIE)” və “PubMed” verilənlər bazalarında indekslənib.

https://doi.org/10.1007/s10646-025-02897-6