2025-ci il mayın 15-də Xəzər Universiteti Dillər ə ədəbiyyatlar departamentinin Dillər bölməsinin koordinatoru Dr. Sevinc Qəmbərova Şimali Makedoniyanın Beynəlxalq Balkan Universitetində (IBU)  “Uluslararası Rumeli Sosial Elmler Konqresi”ndə onlayn iştirak etmişdir. Dr.Sevinc Qəmbərova “Azərbaycan dili şivələri və özbək dilində ortaq fonetik xüsusiyyətlər” mövzusunda məruzə etmiş, verilən sualları cavablandırmışdır.

Məruzəçi qeyd etmişdir ki, qədim türk dilindən ayrılan və müxtəlif prinsiplərə əsaslanaraq ayrı-ayrı qruplarda birləşdirilən müasir türk dilləri arasında özünəməxsus cəhətlər ilə yanaşı, dilin bütün laylarında (fonetik, leksik və qrammatik) ortaq xüsusiyyətlər də qorunub saxlanılmaqdadır. Müəyyən xüsusiyyətlər vardır ki, hazırda ədəbi dil səviyyəsində öz işləkliyini itirmişdir, lakin dilin canlı arxivi hesab olunan şivələrində mühafizə olunmuşdur. Bu səbəbdən müasir özbək ədəbi dili ilə Azərbaycan dilinin şivələri müqayisəyə cəlb edilmiş və onların səs sistemində bir çox ortaq xüsusiyyətlər ortaya çıxarılmışdır.

INTERNATIONAL RUMELIA SOCIAL SCIENCES CONGRESS