Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı 2025-ci il mayın 15-də Azərbaycan Texniki Universitetində “Universitet-Sənaye Əməkdaşlığı, İstiqamətlər, Nümunələr və Süni İntellekt” adlı Beynəlxalq Forumun açılışında “Araşdırma Unversiteti və Sənaye: Tarix və Bugün; Dünyanı dəyişdirən Zəka və Süni İntellekt” mövzusunda geniş çıxış etmiş, fikirlərini bölüşmüşdür.

Tədbir Azərbaycan Texniki Unversitetinin (ATU) ev sahibliyində Türkiyə - Azərbaycan Unversiteti, Azərbaycan Sahibkarlar Təşkilatları Milli Konfederasiyasının dəstəyi ilə keçirilib. Açılışda ATU-nun rektoru Prof.Dr.Vilayət Vəliyev, Azərbaycan Respublikası Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov, Azərbaycan Sahibkarlar Təşkilatları Milli Konfederasiyasının prezidentinin Baş məsləhətçisi Fərid Vəlizadə, İzmir Yüksək Texnologiya İnstitutunun professoru Prof.Dr. Mustafa Güdən, TÜBİTAK sədr müavini Prof.Dr. Mesut Güneri və başqaları çıxış etmişdir.