2025-ci il fevralın 27-də Karyera və Məzunlar Mərkəzinin təşkilatçılığı ilə “İB Academy”-nin Xəzər Universitetinin sonuncu kurs tələbələri ilə görüşü keçirildi. Karyera və Məzunlar Mərkəzinin direktoru Zərifə Əliyeva tədbir iştirakçılarını salamlayaraq, mərkəzin missiyası, fəaliyyət istiqamətləri, tələbələrə göstərilən xidmətlər barədə məlumat verdi.

Görüşdə şirkətin nümayəndələri direktor Pərviz Mayılov, koordinator Sona Babayeva, İnkişaf və əməliyyatlar üzrə menecer İnarə Mayılova, Qəbul və sənədləşdirmə üzrə mütəxəssis Fərid Rəhimli öz təqdimatlarında İB Academy-in fəaliyyəti, xaricdə təhsil, əməkdaşlıq etdikləri xarici universitetlər, Amerika və Kanada universitetlərinə qəbul prosesi haqqında ətraflı məlumat verdilər. Tədbirin sonunda şirkətin əməkdaşları tələbələri maraqlandıran sualları cavablandırdılar.  

Tədbirdə iştirak edən beş nəfər tələbəyə ABŞ-da magistr təhsili almaq üçün şirkət tərəfindən tamamilə ödənişsiz xidmət göstəriləcək. Həmçinin, digər tələbələrə 50% endirim xidmətləri təklif olundu.