2024-cü il aprelin 15-19-da  Polşanın Vrotslav Universitetinin prorektoru Maciej Cesarz, Serbiyanın Educons Universitetinin əməkdaşları Jovana Kisin və Jelena Jesiv Xəzər Universitetində Erasmus + İşçi heyətinin mübadilə proqramı (Erasmus KA171) çərçivəsində səfərdə olublar.

Proqramın ilk günü Xəzər Universitetinin İqtisadiyyat və menecment fakültəsinin dekanı Ceyhun Məmmədov, İnkişaf ofisinin direktoru Raziyə İsayeva, Humanitar, təhsil və sosial elmlər fakültəsinin dekan müavini Aygün Verdiyeva, Siyasi elmlər və fəlsəfə departamentinin rəhbəri Orxan Vəliyev, Beynəlxalq əlaqələr ofisinin rəhbəri Fatimə Vəliyeva, Beynəlxalq əlaqələr ofisinin kordinatoru Arzu Bədəlova görüşdə iştirak ediblər.Arzu Bədəlova  tərəfindən   universitlərin ilkin məlumat xarakterli təqdimatı göstərilib.

Proqrama uyğun olaraq Arzu Bədəlovanın rəhbərliyi ilə Xəzər Universitetini daha yaxından tanıtmaq məqsədilə qonaqlara kiçik kampus turu təşkil olunub. Tur çərçivəsində kitabxana, laboratoriya və Nailəxanım Mədəniyyət Mərkəzinə baxış keçirilib və qonaqlara görkəmli pedaqoq Nailəxanım İsayevanın həyat və fəaliyyətini əks etdirən eksponatlar haqqında ətraflı məlumat verilib.

Proqramın ikinci günü Serbiyanın Educons Universitetinin Beynəlxalq əlaqələr şöbəsinin  nümayəndəsi Jovana Kisin və İnkişaf ofisinin direktoru Raziyə İsayeva tərəfindən Erasmus + KA 1 və KA2 layihələri istiqamətində hər iki universitetin təcrübə mübadiləsi aparılıb.

Vrotslav Universitetinin prorektoru Maciej Cesarzun proqrama uyğun olaraq Xəzər Universitetinin  tədris işləri üzrə prorektoru Məhəmməd Nuriyevlə  görüşü və davamında siyasi elmlər ixtisasının tələbələrinə Avropa Birliyi sərhəd idarəetmə siyasəti mövzusunda mühazirəsi baş tutub.

Proqramın növbəti günlərində Jovana Kisin tərəfindən Keyfiyyətin təmin və Jelena Jesiv tərəfindən Makro İqtisadiyyat fənləri istiqamətində tələbələrə mühazirələr oxunub.