2024-cü il aprelin 8-də Xəzər Universitetinin Karyera və Məzunlar Mərkəzinin təşkilatçılığı ilə “AIESEC”  Azərbaycan şirkəti  universitetdə  “İbtidai sinif müəllimliyi” ixtisası üzrə təhsil alan 1-ci kurs tələbələri üşün infosessiya keçirtdi. Şirkətin nümayəndəsi Fərid Kərimzadə çıxışında “AIESEC” Azərbaycan şirkətinin yaranma tarixindən, fəaliyyətindən və həyata keçirtdiyi layihələrdən ətraflı  bəhs etdi.Dedi ki,  şirkətin əsas məqsədlərindən biri  tələbələri bir araya toplayaraq yeni ideyalar yaratmaq və inkişaf etdirməkdir. 

İnfossesiyada Fərid Kərimzadə ilə yanaşı sözügedən şirkətin müxtəlif departamentlərində işləyən  2-ci kurs tələbələri - Jalə Zeynallı və Aynur Salahlı da iştirak edirdilər. Onlar da  infosessiya iştirakçıları ilə öz  təcrübələrini bölüşdülər,“Global Teacher”, “Qlobal Talant” və “Qlobal Volunteer” adlı təcrübə proqramları barədə, yerli layihələr haqqında məlumatlar verdilər. 

Görüşdə tələbələrin “AIESEC” -in layihələrinə qoşulmaqla liderlik, satış, marketinq, eləcə də  digər yumşaq və sərt bacarıqlarını  inkişaf etdirmək  üçün geniş imkanların olduğu vurğulandı.