2024-cü il fevralın 19-23-də Xəzər Universitetində COMSATS Universitetinin professoru Nadeem Javaid universitetin müəllim-professor heyəti və tələbələr üçün silsilə seminarlar keçirib.

Fevralın 20-də universitetin Mərmər salonunda Elektrik və elektronika, Kompüter mühəndisliyi və Kompüter elmləri ixtisaslarında təhsil alan tələbələr üçün “Data elmi və maşın öyrənmə” mövzusunda elmi seminar təşkil olunub. Seminarda Xəzər Universitetinin Kompüter elmləri departamentinin müəllimi Muhammed Azeem Akram tələbələri salamlayaraq, seminarın mövzusunun əhəmiyyəti barədə məlumat verib.

Prof. Nadeem Javaid məruzəsində kompüter elmləri sahəsində ən son yenilik və texnologiyalar, data elmi və maşın öyrənmənin müasir dövrdəki tətbiqlərindən danışıb. Seminarda Təbiət elmləri və mühəndislik fakültəsinin əməkdaşları da iştirak ediblər. Sonda Prof. Nadeem Javaid tələbələrin suallarını cavablandırıb.

Növbəti günlərdə də Dr. Nadeem Javaidin bakalavr və magistr tələbələri üçün müxtəlif mövzularda seminarları davam edib.