“Nailəxanım Muzeyi” adlı bələdçi kitabça Xəzər Universitetinin nəşriyyatında çapdan çıxıb.

Kitabça görkəmli pedaqoq Nailəxanəm İsayevanın xatirəsini əbədiləşdirmək haqqında Xəzər Universiteti Direktorlar və Qəyyumlar Şurasının sədri professor, akademik Hamlet İsaxanlının qərarı ilə açılır.

Kitabçada muzeyin qısa yaradılması tarixi verilmişdir. “Muzeyin ümumi təsviri” bölməsində qeyd olunur ki, Nailəxanım muzeyi Nailəxanım İsayevanın həyat və fəaliyyətini əks etdirən cürbəcür yazılı sənədlər, müxtəlif xatirə əşyaları və libaslar, abidə və müxtəlif səpkili incəsənət əsərləri, fotoşəkillər, şəxsi, pedaqoji və musiqi fəaliyyəti ilə bağlı yazı və kitablar, Nailəxanımın bəstələdiyi mahnıları səsləndirən guşə və fortepiano-royal kimi maddi və mənəvi qaynaqlardan təşkil olunmuşdir və bunlar barədə ətraflı məlumat verilir.

Kitabçada muzeyin açılması da təsvir olunur və çoxlu fotolarla müçayiət edilir. Kitabçada Nailəxanım İsayevanın həmkarlarının, görkəmli mədəniyyət və incəsənət xadimlərinin, ziyalıların, “Dünya” məktəbinin məzunlarının ürək sözləri verilmişdir.

Nailəxanım Muzeyinin rəy kitabı bölməsində Xalq yazıçısı Anarın, Xalq şairi Ramiz Rövşənin qeydləri yer almışdır.

Nəfis çəkildə çap olunmuş kitabça muzeyə əsaslı bələdçilik edən dəyərli vəsaitdir.