2022-ci il oktyabrın 4-də Xəzər Universitetində ənənəvi “Elm və Sənət Məclisi”nin 75-ci məşğələsi keçirildi. Məşğələni giriş sözü ilə universitetin təsisçisi, Direktorlar və Qəyyumlar Şurasının sədri professor, akademik Hamlet İsaxanlı açaraq, məruzəçi - Rusiya Elmlər Akademiyası və ABŞ Milli Eımlər Akademiyasının akademiki Roald Saqdeyev`in həyat və yaradıcılığı haqqında geniş məlumat verdi. Sonra H.İsaxanlı məruzə üçün sözü akademik R.Saqdeyev`ə verdi.

Akademik R.Saqdeyev “Əbədi münaqişə - elm müharibə üçün, yaxud elm sülh üçün?!” mövzusunda geniş məruzə ilə (rus dilində) çıxış etdi. Məruzədən sonra iştitakçıların çoxsaylı suallarını cavablandırdı.

Məruzə ətrafında Qüdrət İsakov (AMEA-nın Fizika İnstitutu), Sura Abdanova (Xəzər Universiteti, “Dünya” Məktəbi), Solmaz Tohidi, Şahin Mustafayev (AMEA-nın Şərqşünaslıq İnstitutu), İsmixan Yusifov (Bakı Dövlət Universiteti), Niyazi Mursaqulov, Nazim Məmmədov (AMEA-nın Fizika İnstitutu) çıxış etdilər.

Məclisin sonunda Hamlet İsaxanlı akademik R.Saqdeyev`ə və iştirakçılara dərin təşəkkürünü bildirdi. Xatirə şəkilləri çəkildi.