2021-ci il dekabrın 2-də Xəzər Universitendə Dillər və ədəbiyyatlar departamentinin təşkilatçılığı ilə “Nizami Gəncəvi-880” layihəsi çərçivəsində növbəti elmi seminar keçirilmişdir. Seminarın qonağı Ankara Hacı Bayram Veli Universitetinin müəllimi Prof. Dr. Ayşe Yıldız “Türkcə yazılmış Leyli və Məcnun məsnəvilərində Nizami Gəncəvinin təsiri” aslı məruzə ilə çıxış etmişdir.

Onlayn təşkil edilən tədbiri Dillər və ədəbiyyatlar departamentinin müəllimi dosent Xatirə Yusifova açaraq, həm qonaq haqqında, həm də mövzu haqqında tələbələri və qonaqları məlumatlandırmışdır. Sonra Prof. Dr. Ayşe Yıldız Anadolu Türk şairlərinin - Şahidi, Hamdi, Cəlili və Ahmedi-Rıdvan`ın yazdıqları “Leyli və Məcnun” məsnəvilərini Nizami Gəncəvinin “Leyli və Məcnun” məsnəvisi ilə forma və məzmun baxımından müqayisə etmişdir.

Tədbirin sonunda məruzəçi tələbələrin suallalarını cavablandırmışdır.