2016-ci il martın 10-da Xəzər Universitetinin Tələbə Məclisinə prezident seçkiləri keçirildi. Namizədlər arasında Humanitar və sosial elmlər faküləsinin tələbəsi Xədicə İsmailova (3-cü kurs), Təhsil fakültəsinin təbələsi Türkan Səmədova (3-cü kurs), İqtisadiyyat və menecment fakültəsinin tələbəsi Özal Sülüymanlı (3-cü kurs) və Mühəndislik və tətbiqi elmlər fakültəsinin tələbəsi Qurban Əsgərov (2-ci kurs) iştirak edirdilər. Qeyd edək ki namizədlərin hər biri Tələbə Məclisi Parlamentinin sabiq üzvləridir.

Seçki prosesi səhər saat 10.00-dan 19.00-dək İctimai Əlaqələr və Media üzrə direktor Əlövsət Əmirbəylinin rəhbərliyi və Tələbə Məclisinin sabiq prezidenti Mirzəağa Səmədovun nəzarəti ilə keçirildi.

Seçkilərdə Xəzər Universitetinin ümumi seçici sayının 29%-i (525 nəfər) iştirak etdilər və ümumi səsverməyə əsasən nəticələr belə oldu:

1.      Qurban Əsgərov (Mühəndislik və tətbiqi elmlər fakültəsi) – 242 səs;

2.      Özal Suleymanlı (İqtisadiyyat və menecment fakültəsi) – 110 səs;

3.      Türkan Səmədova (Təhsil fakültəsi) – 93 səs;

4.      Xədicə İsmailova (Humanitar və sosial elmlər faküləsi)– 76 səs.

Beləliklə, Tələbə Məclisinin növbəti bir ildəki  prezidenti Qurban Əsgərov və vitse-prezident Özal Süleymanlı seçildilər.