2016-cı il martın 11-də Xəzər Universitetinin “Neftçilər”kampusunda Beynəlxalq Əlaqələr Şöbəsivə Beynəlxalq Təhsil üzrə Amerika Şurasının Azərbaycandakı ofisi Karneqi Tədqiqat Proqramı (Carnegie Research Fellowship Program) haqqında təqdimat keçirdi.
Avrasiya və Şərqi Avropa üzrə Milli Araşdırmalar Şurası (ABŞ) və Beynəlxalq Təhsil üzrə Amerika Şurasının Avrasiya üzrə aparıcı mütəxəssisi Aleksey Xarlamov proqram, proqrama müraciət proseduru və maliyyə dəstəyi haqqında detallı məlumat verdi.
Karneqi Tədqiqat Proqramı Avrasiya və Şərqi Avropa üzrə Milli Araşdırmalar Şurası (ABŞ) və Beynəlxalq Təhsil üzrə Amerika Şurasının proqramıdır. Proqram universitet müəllim heyəti, tədqiqatçılar, magistr və doktorant tələbələr üçün ABŞ-da sosial və humanitar elmlər sahəsində tədqiqat aparmaq imkanını verir. Proqramı Nyu Yorkun Karneqi Korporasiyasının qrantı dəstəkləyir.
Təqdimatın sonunda iştirakçıları maraqlandıran suallar cavablandırıldı.