Xəzər Universitetinin müəllimi İlham Tağıyevin müəllifi olduğu “Ünsiyyət-koqnisiya kəpənəyi” (İkimənalılıq şəraitində dil ünsiyyətinin həndəsi modeli) adlı məqalə “Dil və dilçilik beynəlxalq jurnalı”nda (International Journal of Language and Linguistics) dərc edilmişdir.

Müəllifin fikrinə görə, ənənəvi semantik üçbucaq yalnız dil işarəsi, konsept və referent arasındakı əlaqəni izah edir və qəbul edilmiş dil işarələrinin necə deşifrə edilməsini təsvir edir, lakin insan dilinin əsas funksiyası olan ünsiyyət prosesini nümayiş etdirə bilmir. Müəllif ikimənalılıq şəraitində ünsiyyət-koqnisiya prosesinin yeni həndəsi modelini təklif edir. Beləliklə, müəllifin təklif etdiyi və “ünsiyyət-koqnisiya kəpənəyi” adlandırdığı həndəsi fiqur dil işarələrinin həm mənbəyini, həm də qəbuledicisini özündə ehtiva etməklə, ikimənalılıq şəraitində ünsiyyət-koqnisiya prosesini nümayiş etdirir.

Məqaləni bu link vasitəsilə oxumaq olar:

http://dx.doi.org/10.30845.ijll.v7n2p14