Xəzər Universitetinin Neft mühəndisliyi departamentinin doktorantı Məsud Mehrizadənin müəllifi olduğu “Accurate Prediction of Kinematic Viscosity of Biodiesels and their Blends with Diesel Fuels” adlı məqalə Wiley nəşriyyatının “Journal of American Oil Chemical’s Society” jurnalında dərc edildi. 

Biodizel (qatqı) və biodizel/dizel (qarışım) qarışıqlarının özlülüyü onların yanma xüsusiyyətini təyin etmək üçün vacib parametrdir. Bu sistemlərin özlülüyünün müxtəlif şərtlərdə proqnozlaşdırılması üçün universal və ümumi bir model yoxdur. Ona görə də, onların özlülüyünün proqnozlaşdırılması üçün sadə, dəqiq və ümumi modellərin hazırlanması böyük əhəmiyyət kəsb edir. Tədqiqat işində qarışıqların özlülüyünün proqnozlaşdırılması üçün çox qatlı perseptron (MLP –NN), hissəcik sürüsü üsulu ilə optimallaşdırılmış radial basiz funksiyası (PSO–RBF) və hibrid yanaşma ilə optimallaşdırılmış adaptiv neyro qeyri-səlis çıxarış sistemi (Hibrid–ANFIS) adlı üç kompüter əsaslı model hazırlanmışdır. Modelləri hazırlamaq üçün çoxsaylı təsir parametrlərini əhatə edən 966 təcrübi məlumatdan istifadə edilmişdir. Yaradılmış modellərin proqnozlarının dəqiqliyi fərqli statistik keyfiyyət ölçmə üsullarından istifadə etməklə və nəticələrin ədəbiyyatda mövcud olan modellərinin proqnozları ilə müqayisəsi yolu ilə yoxlanılmışdır. Nəticələr yaradılan modellərin dəqiq proqnozlar verdiyini və mövcud digər modellərindən üstün olduğunu göstərmişdir. PSO–RBF modelinin proqnozları Hybrid–ANFIS və MLP–NN modellərindən daha yaxşı olmuşdur. 

Məqaləni bu link vasitəsilə oxumaq olar: 

https://aocs.onlinelibrary.wiley.com/doi/abs/10.1002/aocs.12421