2020-ci il iyulun 14-də Xəzər Universiteti Böyük Britaniyanın Middlesex Universiteti ilə birlikdə Creative Spark layihəsi çərçivəsində onlayn görüş təşkil etdi. Görüş Xəzər Universitetindən olan Big Idea müsabiqəsi-2020-nin iştirakçılarına həsr olundu.

İclası İnkişaf direktoru Raziyə xanım İsayeva tələbələri və görüş iştirakçılarını salamlayaraq, açdı. R.İsayeva British Council tərəfindən dəstəklənən Creative Spark layihəsi haqqında ümumi məlumat verdi, iştirakçıları Xəzər Universitetinin daxili rəqabəti, nəticələri və Big Idea müsabiqəsi-2020 haqqında məlumatlandırdı.

Bundan sonra Xəzər Universitetinin rektoru, dosent İradə Xəlilova tələbələri qazandıqları nəticələr münasinətilə təbrik etdi və hazırkı yarışın xalq səsverməsi mərhələsində uğurlar arzuladı. Sonra Middlesex Universitetinin dosenti, doktor George Dafoulas Xəzər Universiteti ilə tərəfdaşlıqdan danışdı, tələbələrin uğurlarını qeyd etdi, qazanılmış nəticələr münsibətilə təbrik etdi.

Daha sonra İqtisadiyyat və menecment fakültəsinin dekanı, doktor Ceyhun Məmmədov tələbələri təbrik etdi. Tələbələrin nəticələrindən məmnun olduğunu bildirdi və bütün tələbələrə uğurlar arzuladı.

Görüşün sonunda Bıg Idea müsabiqəsi-2020 iştirakçıları Xalid Heydərov, Zaman Kərimov, Səidə Əliyeva, Şəfa Bünyadzadə öz hislərini bölüşdülər, Xəzər Universitetinə təşəkkür etdilər və ölkə finalçılarına uğurlar arzuladılar.

İclas Raziyə xanım İsayevanın çıxışı ilə sona çatdı, o, ölkə finalçılarına uğurlar arzuladı və hamını onlara səs verməyə çağırdı.