2020-ci il fevralın 21-də Xəzər Universitetində tələbələrlə “Vətəndaş Cəmiyyətində Debat” İctimai Birliyinin idarə heyətinin “Dəyirmi masa”sı təşkil olundu. Dəyirmi masa debat fəaliyyəti ilə bağlı görüləcək işlərin müzakirə olunması məqsədilə təşkil edilmişdi.

Görüşdə Xəzər Universiteti Karyera İnkişaf Mərkəzinin koordinatoru, “Vətəndaş Cəmiyyətində Debat” İctimai Birliyinin nümayəndələri və Debat klubunun tələbələri iştirak edirdilər.

Qeyd edək ki, “Dəyirmi masa”nın əsas məqsədi Debat klubunun tələbələrinin auditoriya önündə sərbəst çıxış etmək, onlarda ünsiyyət bacarıqlarının təkmilləşdirilmək, fikri düzgün çatdırmaq kimi bacarıq və vərdişlərin formalaşdırılmasına nail olmaq, digər universitetlərin tələbələri ilə yeni dostluq əlaqələri qurmalarına dəstək olmaq və komanda halında birgə fəaliyyət göstərmək imkanlarını dəyərləndirmək üçün təşkil edilmişdir.

Görüş zamanı “Vətəndaş Cəmiyyətində Debat” İctimai Birliyinin sədri Ülviyyə Axundova Milli Debat Proqramının gələcək fəaliyyət istiqamətləri, Birliyin fəaliyyəti və yeni layihələr çərçivəsində görüləcək işlər, fəaliyyət planına və layihə formatına edilən təkliflər, universitetlərdə debat klublara rəhbərlik edəcək şəxslərin müəyyən edilməsi məsələləri ətrafında səmərəli fikir mübadiləsi aparıldı.

Sonda tələbələrin təklifləri dəyərləndirildi və onların müvafiq sualları cavablandırılaraq, tədbir yekunlaşdırıldı.